جاور السعيد تسعد وتتهنى
قرب ونقي ودوق الفرحة وإتمنى
الأحلام ببلاش مش هتدفع أي كاش
الحلو جاي خلاص فاضل عليه سنة

روق دي الدنيا رايقة
ما تحبش المضايقة
عاكس فيها وغازلها
ما تدوقش وتجادلها
وإفتح للفرحة سكة
وإجري وإمسك في ديلها

ودع أحزانك ودع
كتر التفكير بيصدع
مشيها وهي تمشي
وإرمي الورق المتقطع
ميل ع الدنيا ميل
لو بختك كان قليل
بكرة يكتر ويكتر
أول ما الليل يليل
بكرة يكتر ويكتر
أول ما الليل يليل

إرقص دي الدنيا سكر
على إيه أصلاً تفكر
هويلها هواها بحري
سوق الأيام دي وإجري
إسمع مني الكلام ده
ده كلام بفلوس ومغري

ودع أحزانك ودع
كتر التفكير بيصدع
مشيها وهي تمشي
وإرمي الورق المتقطع
آه ميل ع الدنيا ميل
لو بختك كان قليل
بكرة يكتر ويكتر
أول ما الليل يليل
بكرة يكتر ويكتر
أول ما الليل يليل

يا ليل يا ليلي يا ليل يا ليلي يا ليل
روق كده وفرفرش يا عم
دي الدنيا رايقة