ما تعرفش ليه
في وقت أما بحتاج حد جنبي أشتكيله
بتبقى ﺇنت أول حد يجي في بالي أجيله
وتبقى ﺇنت أول حد أفضفض يومها ليه
ما تعرفش ليه
في وقت أما أشوفك يومها بجري عليك قوام
وأنا معاك بحب كتير أطول في الكلام
وأخد راحتي وأحكي في اللي نفسي أحكي فيه

ما تعرفش ليه
لو أبصلك ما بشيلش عيني من عليك
وأول بأول كل حاجة بقولها ليك
وليه بس صوتي بيحلى لمّا بيناديك
وليه بس ﺇسمي بيحلى لو تندهني بيه

ما تعرفش ليه
بحس ﺇنك ﺇنت اللي بقيت مسؤولة منه
وأحس ﺇنك ﺇنت اللي أنا مسؤولة عنه
وأحس ﺇني فيك شايفة اللي أنا بدور عليه
ما تعرفش ليه
أنا ﺇزاي بقيت ما بخافش وجريئة في هواك
وبقدر على اللي ما يتقدرش عليه معاك
ولو كان ده مش حب ﺇنت قولي ده يبقى ﺇيه

ما تعرفش ليه
لو أبصلك ما بشيلش عيني من عليك
وأول بأول كل حاجة بقولها ليك
وليه بس صوتي بيحلى لمّا بيناديك
وليه بس ﺇسمي بيحلى لو تندهني بيه