محتاجة حد يخاف عليّا
مش أبقى خايفة معاه
لو قلت آه
ألاقيه حاضني بجد من جواه
وهقولك إيه وأنا كل ده يا حبيبي
مش لاقياه
إحساسي إيه عمرك
في يوم ما سألت حاسة بإيه
موت إحساسي اللي كنت زمان بحبك بيه
مستني إيه من حد عاش
في مشاعره مجني عليه

مكانك كان في قلبي وسيبته يروح
مش لاقية خلاص حاجة ليك جوايا أسامحك بيها
بقى صعب ألاقيها
إنسانة بريئة وحبت واحد قال يحميها
بإيديك خليتها تكره إنها حبت يوم
ولآخر لحظة قلبي أنا كان مفتوح
وأنا كل ما أسامحك ترجع تجرح تاني وتاني
أنا مش لاقياني
وبحس أوي إني غريبة في حضنك مش في مكاني
والحالة اللي أنا واصلالها معاك مش من يوم

هضحي ليه وإيه اللي فاضل تاني أخسره إيه
فكرني حالاً بينا إيه أنا ممكن أبكي عليه
أو حاجة فيك بعد أما أغيب أنا ممكن مالقهاش
ما بقيتش بستناك تجيلي أو تقول وحشاك
ما بقيتش مستنية أعيش يوم جرح تاني معاك
وبقى الكلام عنك ممل وحاجة ما بطيقهاش

مكانك كان في قلبي وسيبته يروح
مش لاقية خلاص حاجة ليك جوايا أسامحك بيها
بقى صعب ألاقيها
إنسانة بريئة وحبت واحد قال يحميها
بإيديك خليتها تكره إنها حبت يوم
ولآخر لحظة قلبي أنا كان مفتوح
وأنا كل ما أسامحك ترجع تجرح تاني وتاني
أنا مش لاقياني
وبحس أوي إني غريبة في حضنك مش في مكاني
والحالة اللي أنا واصلالها معاك مش من يوم