حالات كتيرة بعيشها متناقضات
تيجي الدموع أطنشها
عادتي السعادة
دايماً في أجدع أزمة واقفة بثبات
وفي حزني عندي كاريزما سكر زيادة

تفاصيل في بداية العمر
كام ظرف كام قصة
خلوني أدوق المر
وأكبر وأنا بقصة
تفاصيل في بداية العمر
كام ظرف كام قصة
خلوني أدوق المر
وأكبر وأنا بقصة

عيني عيني على الإنسان
لو كان طبعه رقيق حساس
يزعل موت يرجع بذكاء
ويغير مجرى الأحداث
عيني عيني على الإنسان
لو كان طبعه رقيق حساس
يزعل موت يرجع بذكاء
ويغير مجرى الأحداث

وإتعلمت
أعيش حياتي بقلب طفلة
وعقل راسي
يبقالي رد جد ورد دبلوماسي
وكرامتي عندي خط أحمر
شيء أساسي

أنا ليا ذوقي في الموسيقى والقراية
فن الجمال والسحر أسرارهم معايا
وفي كل طلعة يوم جديد ببدأ بداية

لما الدنيا تبوظ
عمري ما بزعل ولا بضرب بوز
بسمع خوليو وبسمع فيروز
في الفرحة مكاني دايما محجوز

عندي كل حاجة
العقل والسذاجة
وبحب الشوكولاتة
واخدة الدنيا ببساطة
وضعيفة لكن قوية
وطبيخي مية مية
وأقرب دمعة في الدنيا
هي دمعة عنيا