جربت في مرة تقرب من إنسان مجروح
ضايع مهزوم محروم من طعم الفرح
ساعة ما إتألم إتكلم بحلاوة روح
راجع مجروح مش قادر يهرب من الجرح

إطمن حسّ بدفا في إيديك
حبيته لقيته في حضنك طفل بريء
طيبت جراحه إديته عينيك
إديته مشاعرك، مشيتوا طريق
عرفته إزّاي من تاني الفرح
يسكن مطرح كل الأحزان
وزرعت أمان ولقيت الطرح
فجأة بيدبل على إيد إنسان
جربت يخونك ويسيبك في السكة حزين
مش طايق حتى يحس بجرحك
جربت عيونك تناديله تستنجد بيه
ولقيته على دمعك واقف يضحك

حنيت لمكان كان دايما يجمع بينكوا
ولقيته بيخونك فيه
جربت تواجه واحد بخيانته
هزمك جبروت في عينيه

كان نفسك تصرخ في العالم
ما لقيتش في قلبك صوت
ضحيت بحياتك والظالم
بيجرب فيك الموت
جربت تموت