بتتعلق بناس وبتودع في ناس
وكل مرة تقول خلاص لقيت النصيب
بتقابل حبيب وتفارق حبيب
تتساب تسيب وبرضه تقول نصيب

وآه يا قلبي ما بقتش عارفة
إنته الضعيف ولّا العنيد
تحلف ما تعيدش أوجاعك
تحلف ما تحبش من جديد

يا متشعلق يا متشعبط
بقشاية دفا وإحساس
يادي الحب اللي بتموت فيه
ومن غيره وبيه محتاس
وتقابل حبيب وتفارق حبيب

أعرف منين
لو الدنيا فاضل فيها قلوب لسّه بتعرف تحب
لو العالم مكان أصلا
ينفع نعيش فيه بطيبة قلب
لو المكتوب فراق دايما
ولا في حكاية مكملة
آه يا طيبين متعشمين
آه يا أكتر ناس مستحملة

وآه يا قلبي ما بقتش عارفة
إنت الضعيف ولا العنيد
تحلف ما تعيدش أوجاعك
تحلف ما تحبش من جديد

يا متشعلق يا متشعبط
بقشاية دفا وإحساس
يادي الحب اللي بتموت فيه
ومن غيره وبيه محتاس
وتقابل حبيب وتفارق حبيب