عشان العشرة أسمعني بصدري شي ما ينقال
مصير اللي كسر قلبي بيرجع ينكسر فيني
رحلت بلا تفاصيلي وإحساسي معك لا زال
وحاولت أبتسم لكن أخذت العمر وسنيني

قسم يا غيبتك ردت حزن عيني لنفس الحال
وإنت آخر من يداري كبير الحزن في عيني
أكابر والكلام بداخلي من خيبتي موال
وأصوت من قسى بعدك ولا أدري أنا ويني

أنا بعدك بلا معنى و لا حب ورحابة بال
وأشوف إن الأمل راحل مثل ما رحت ناسيني
مضيعني بلا حتى عتاب يوجب الترحال
نسيت الضحكة وصوتي وإنك شي يعنيني

ظروفك لو لها آخر تعال البعد ذا قتال
نصحتك والهوى باقي وغيرك مالهم فيني
تعبتك فوق ما يكفي وبعدك عن حياتي طال
تمنيتك وطن قلبي ولحظة ما تخليني