رصيف نمرة خمسة
رصيف نمرة خمسة والشارع زحام
وساكت كلامنا ما لاقي كلام
تسالي يا خال تدخن ياعم
تتوه المعاني في لساني لجام
رصيف نمرة خمسة والشارع زحام
وساكت كلامنا ما لاقي كلام
كلاكس الترولي بيسور وداني
وشحتة المزين بياكل وداني
يا نادي باريس تعالى وحاسبني
وجدول ديونه عشانه وعشاني
وعبدالله رشدي محامي قدير
بيرفع قضية في باب الوزير
على عم فكري بتاع البليلة
عشان مرة زعق بصوته الجهير
رصيف نمرة خمسة والشارع زحام
وساكت كلامنا ما لاقي كلام
بقالة الأمانة و نصحي السروجي
عاملين لي شركة في مشروع بوتيك
ونادوا لعبده الفرارجي يشاركهم
فرد بألاطة ما أحبش شريك
وجت وقعة سودة في سوق الإمام
عشان عم لمعي بتاع الحمام
ما قدرش يوصل لأي إتفاق
مع سبع أفندي في قضية سلام
وأطفال عجايز في مهد الطفولة
وأفلام قديمة وإعلان كاكولا
إعلان كاكولا
تبزنس تعيش لأخر حياتك
ولو باعوا فرخة هتاخد عمولة
ترماي بسنجة في روض الفرج
وأعمار تعدي لا ييجي الفرج
ولا البحر باين لأخره مراسي
ولا حد راسي منين الفرج
منين الفرج
رصيف نمرة خمسة والشارع زحام
وساكت كلامنا ما لاقي كلام
اغنية رصيف نمرة خمسة عمرو دياب
تُعد كلمات أغنية "رصيف نمرة خمسة" للفنان عمرو دياب من كلمات مدحت العدل، وألحان عمرو دياب، وقد صدرت في عام 1992، وفيما يلي كلمات الأغنية: رصيف نمرة خمسة والشارع زحام وساكت كلامنا ما لاقي كلام…