إنت مابتغيبش مابتغيبش
عن البال ولا ثانية
يمكن مبجيبش كتير سيرتك
بس دي حاجة تانية
من بعد غيابك يا حبيبي عيونهم حواليا
فبحاول أخبي
علشان ميبانش الشوق في عينيا

إسمك قدامي لو إتقال
بيحرك قلبي في الحال
شوف من إمتى وإحنا بعاد
بس الإحساس لسا ما زال
يا حبيبي لو سيرتك تتجاب
وأشوف في كلامهم إعجاب
دا أنا بفرح من قلبي وأغير
يا حبيبي لنفس الأسباب

إنت مابتغيبش مابتغيبش
عن البال ولا ثانية
يمكن مبجيبش كتير سيرتك
بس دي حاجة تانية
من بعد غيابك يا حبيبي عيونهم حواليا
فبحاول أخبي
علشان ميبانش الشوق في عينيا

إوعى تكون فاكر إني نسيت
ولا قسيت ولا إستغنيت
دا أنا غيرك عمري ما حبيت
ولغيرك عمري ما غنيت
خد بالك طول ما إنت بعيد
في حياة ولا جد جديد
يمكن بس الشوق بيزيد
يا شاغلني في كل الأوقات

دا إنت مابتغيبش مابتغيبش
عن البال ولا ثانية
يمكن مبجيبش كتير سيرتك
بس دي حاجة تانية
من بعد غيابك يا حبيبي عيونهم حواليا
فبحاول أخبي
علشان ميبانش الشوق في عينيا