يا صاحبي ما خاب ظني فيك
ما أقول غير الله بس يهديك
يرضيك من بعد الهنا يرضيك
تتغير الحالة على المحبوب
حد يا زمن غالب وأحد مغلوب

يرضيك تطوي صفحة الماضي
اللي بها نور الأمل ياضي
وأنا الذي ولهان بك راضي
راضي تجافي قلبي المتعوب
حد يا زمن غالب وأحد مغلوب

أحلى الليالي اللي قضيناها
واللي على نجواك عشناها
وإن قد نسيت ما نسيناها
الفن فيها والأدب منسوب
حد يا زمن غالب وأحد مغلوب

يا اللي بعادك هيج أشجاني
وسيل الدمعة من أعياني
ماني سبب هجرك ولا الجاني
الله وحده يعلم المسبوب
حد يا زمن غالب وأحد مغلوب

حد يا زمن شرق وحد غرب
والدار أظلم والكرى أصعب
متى تزول العاصفة يارب
وتجلي الكربة عن المكروب
حد يا زمن غالب وأحد مغلوب