كانت هناك
واقفة بتتكلم مع واحد معاها
وفضلت أنا
واقف مكاني بس قلبي راح وراها
كان المكان في ناس كتير مش بس هيّه
مبقيتش شايف يومها أنا غيرها بس بعينيا

أعرف منين
إن اللي واقفة معاه يا قلبي مش حبيبها
خايف أروح
تحصل معايا أي حاجة مش حببها
لو كان يا قلبي قلبها من الحب فاضي
ممكن قصاد الناس أخدها في حضني عادي

وإبتديت أسمع جوايا حاجة
حاجة ياما حلمت أسمعها من سنين
والليالي الحلوة اللي في خيالي
الليلة دي أنا بيني وبينها خطوتين

بالصدفة كان
في حد صاحبي عارفها عرفني عليها
وقف الزمان
بيا وبيها لمّا جت عيني في عينيها
مدت إيديها وسلمت قلبي وجعني
بسرعة دي معقولة أكون حبيتها يعني

كان الكلام
في عيونها بيقول الهتاف فوق الشفايف
كده خلاص
مبقاش في عندي أي حجة إن أبقى خايف
قولت لها إنتي اللي منايا أبقى ليها
ضحكة عيونها ضحكة لسه مش نسيها

وإبتديت أسمع جوايا حاجة
حاجة ياما حلمت أسمعها من سنين
والليالي الحلوة اللي في خيالي
الليلة دي أنا بيني وبينها خطوتين