أهواك والقلب طيرٍ في سما صدري
ستّل جناحه وطار بروح نجدية
روح كثر ما تحبك صرت أنا مدري
هي ميته في غيابك أو شبه حيّه

من كثر شوقي عليك ومن كبر صبري
بعدك ولا تملى عيني الكورة الأرضية
وإن جيت أبهديك عمري شفت بك عمري
يا كيف أبعطيك شي إنت راعيه

إنت السمو اللي يسمو بهامته قدري
إنت الفخامة وإنت عالمي وضيه
ما أحبك أعشق خطاك اللي بها تسري
وأحسد ترابٍ وطيته روحه وجيه

لك في رياض المحبة آه لو تدري
ريمٍ كريمة ولكن فيك أنانية
إن قلت ما هي على قيد الحيا عذري
إنك حياتي وعلى قيدك أنا حية