هات قلبي وروح
مطرح ما تروح روح
أنا يعني حعيش من غير قلبي

ما دام إنت بعيد
ولا ليك مواعيد
ولا عمري لقيتك يوم جنبي
دا إنت لفيت الدنيا
وجيت والا حبيت مهما حبيت
حاتجيني وتسال على قلبي
حايقولك روح مطرح ما تروح
حايقولك روح وهات قلبي

لو قلبي طاوعني وقادره عليه
كنت أقدر أنسيه وأخليه
لا يفكر فيك ولا يجري عليك
ويلف الدنيا مع اللي ناسيه
لكن اعمل إيه

وألاقيها منين وأنا بين إتنين
على قلة راحتي متفقين إنت وقلبي
هات قلبي وروح
مطرح ما تروح وهات قلبي

لسه الأيام جايه وياما
جايه وياما لا عتاب يا حبيبي ولا ملامه
وحالومك ليه ويفيدني بإيه
بتمنالك ألف سلامه

وأنا خايفه عليك تنسى لياليك
وتتوه وتروح ومعاك قلبي
هات قلبي وروح مطرح ما تروح
هات قلبي وروح هات قلبي