يا عطاشا عطاشا والموارد بعيده
والثريا حداها سهيل يم المغيب
وإليا غابت من يرجي قلبي إنه تعيده
قلبي اللي تولع ردى حظ أو نصيب

ويل قلبي تراها في هواها تبيده
إتركتني وقلبي بالهوى مستصيب
طال مشوار حبك والليالي عنيده
جف غصن المحبه عقب ما هو رطيب

يا عطاشا عطشكم في صخورٍ جليده
مالها ماطر هامي ولا به سريب
جف فيها عذي الحب وقطع وريده
يا عطاشا حذاري من بعيدٍ قريب

من رمى سهم حب في عيونٍ صديده
يقضي باقي حياته في المحبة غريب
من طلع عالياً يلقى رياض مديده
ومن وطى في مطامنها فأمره مريب