وينك إنت من زمان راحت أيامي هدر
انتظرتك لين شاب شوقي وشاب الحنين
قلي ليه إحنا افترقنا قلي مافيني صبر
قلي تكفى مل قلبي ينتظر عذرك سنين

هذا أنا قدام عينك زي أنا من زمان
ما تغير فيني شي إلا أشواقي تزيد
ما رحلت بكيفي لكن ما رحلت إلا عشان
قالوا إنك قلت والله راحتي يبقى بعيد

يكذبون اللي حكوا لك حكيهم زيف وغدر
ليه صدقت العواذل وإنت تدري هما مين
ذولا كانوا يحسدون ميتين من القهر
والدليل إننا افترقنا وإحنا باقي عاشقين

حسبي الله بس فيهم ع اللي صار و ع اللي كان
ما توقعت الحكاية للعواذل فيها إيد
وأحمد الله يا حياتي كل شي اليوم بان
وأحمد الله إني لقيتك يا غلا عمري الوحيد

الله يانك في عيوني شوقي لمد النظر
كل ذكرى لك وصورة في ضلوعي ساكنين
انتظرت وكنت أدري حتى لو طال الدهر
إنك بترجع حبيبي وكل أيامي تزيد

جيتك أدور غرامي جيتك أدور بك أمان
ياللي ما غيرك غرامي بالقديم والجديد
المهم إحنا التقينا كل منا به حنان
لو خذا نصه حبايب عمرهم كله سعيد