مفيش أسباب
بعدت وعمري ما عملت لبعادنا حساب
أنا سيّبتك عشان ما اقبلش إني أتساب
مشيت قبل إنت
ما تقولي خلاص مليت
جراح في جراح
جرحت أنا نفسي بإيديا
عشان أرتاح
بسببك كل شيء كان حلو بينا
أهو راح
نهاية أكيد حبيبي عكس ما اتمنيت

أوقات بتموت حاجات
علشان نعرف نعيش
وهكمل وليه الحياة
مع قلب ما حبنيش
كان نفسي أعيش جواك
مش بس أعيش ويّاك
ما تجبش العيب عليّا
وما تلومنيش

ما كملناش
عملت حاجات كتير
قلبك ما قدرهاش
وكنت بموت عشان أرضيك
وما بترضاش
وقطر الفرح عدى
قصاد عينيا وفات
وهكدب وليه
أنا بحبك
وهفضل أحبك أعمل إيه
ده قلبي
أكيد ماليش كلمة حبيبي عليه
لكن عقلي بيبني قراره
ع الحسابات

أوقات بتموت حاجات
علشان نعرف نعيش
وهكمل وليه الحياة
مع قلب ما حبنيش
كان نفسي أعيش جواك
مش بس أعيش ويّاك
ما تجبش العيب عليّا
وما تلومنيش