جاني يتشكى
وأنا اللي من هواه أشكي
حبس كلامي حبيبي
وما عرفت أحجي
أمنّي سر المحبة
وخبرني باللي يحبه

ما يدري تضحك عيوني والفؤاد يبجي

يشكي لي حاله حبيبي
يحسبني مرتاح وخالي
وأنا عذابه نصيبي
يا شقى قلبي وحالي
جاني يبيني أواسيه
في حبه اللي انشغل فيه

ما يدري تضحك عيوني والفؤاد يبجي

شوروا على يا هل الراي
بأي كلام أجيبه
ما جبت له طاري شكواي
وما يدري إني حبيبه

لي جرح بالقلب خافيه
هو اللي يقدر يداويه
جاني يبيني أواسيه
في حبه اللي انشغل فيه

ما يدري تضحك عيوني والفؤاد يبجي