أكتب حروف الحب حبس برجليك
قيد يقيد خطوتك لا تروحي
إقعد معي وإن رحت خذني مخاويك
آن لا تروح إن كان قفيت روحي

ريض خطا رجلك شوي لغاليك
خله عليك بسر حبه يبوحي
يا واحد مالك شبيه لك يحاليك
نفس بحبك من ظماها شحوحي

أغليك واللي كون الكون أنا أغليك
حب الغلا ماهو بمثل حب المزوحي
يا غالي دمعات عيني تناجيك
بعباير من فوق خدي تفوحي

حتى وأنا في غفوة النوم أناديك
وطيفك على شاشة خيالي يلوحي
إرجع علي وضمني بين أياديك
ضمة غلا تحيي بها ميت روحي